Piliin Ang Naiba

eto na.. dahil nai-tag ako ni paps saka homer at wala din akong topic na maisulat sa ngayon ay gagawin ko na 'tong tag 10 kung anu-anu. alin ang isa sa sampo na walang katotohanan? kung mahulaan n'yo man.. hmm pag-iisipan ko pa kung anu ang gantimpala. haha!

1. favorite food ko ay adobong sitaw na gawa ng kapit bahay namin na si ka benny. talagang nirerequest ko pa sa kanya ito tuwing hinahanap hanap ko ang lasa. mabubuhay ako sa adobong sitaw.

2. noong ako'y musmos pa lamang ay nag-alaga ako ng isang sisiw. dahil wala pa akong alam tungkol sa pag-aalaga ng ganitong klaseng hayop ay pinakain ko lang ng pinakain ng bigas. makalipas ang isang oras pinakawalan ko na kasi tinutuka nya na ako.

3. noong 5 years old ako binalak akong isali ng lola ko sa little miss philippines dahil tuwing sinasama nya ako sa baclaran sa puwesto nyang tindahan doon ay parati nya akong pinape-perform ng kanta o sayaw upang matuwa ang mga dumadaan na tao at makabenta kami. wag nyo ng itanong kung nakakarami kami ng benta..

4. nagtrabaho ako dati sa SUBWAY (ung sandwich place) at dito ako naging expert sa sandwich-making. nagkaroon ako ng mga suking customers na talaga namang ako pa ang nirerequest nila upang gawin ang sandwich nila.

5. nawala ako sa palengke noong 9 years old ako. takot na takot at iyak ng iyak. alam ko ang papunta sa sakayan ng jeep at dun ako nagpunta upang hanapin ang lola ko. whew! buti na lang nahanap ko. matalinong bata.

6. mahilig akong kumanta habang naliligo para alam nilang buhay ako sa banyo. madalas ay love songs at rnb ang kinakanta ko. minsan naman ay rakenrol. dahil dito madalas akong nale-late sa trabaho kasi napapatagal ako sa banyo. nakekerid-away sa pagkanta.

7. namatay ang pusa naming si muning noong bata pa ako. dahil ikinalungkot ko ito ng malubha, naghukay ako sa likod bahay namin katabi ng puno ng manga at inilibing si muning doon. nilagyan ko pa talaga ng puntod at nakasulat ang "MUNING". noo'y natatakot pa ako dahil baka multohin nya ako. buti naman ndi.

8. hindi ako marunong magluto. marunong lang akong kumain. lagi akong pinagsasabihan ng nanay ko na magugutom daw ang asawa ko sakin. sa isip isip ko naman. bakit sya magugutom? hindi ba sya magttrabaho?!! haha!

9. noon ay naka-duet ko na si regine velasquez sa isang concert nya. ang kinanta namin ay "say a lil prayer for you". ang problema nun hindi ko kabisado yung kanta, pero naisalba naman nya. pagkatapos ng concert ay kinabisado ko na yung kanta. ngaun hindi ko na ulit alam.

10. gusto kong mag sponsor ng bata upang mapag-aral sya. kaya nga lang ay wala rin akong pera sa ngaun. gusto nyo ba akong isponsor? hehe. donations are welcome. haha! jk!


ok ok gudlak sa mga magtatangkang hulaan ang isang kasinungalingan na nakasulat sa itaas. tulad ng sabi ko, pag-iisipan ko pa kung anung dapat kong i-award sa mananalo. weee!!

bahala na si batman.
isipin mo na lang ham yan.